Christmas Party妝 2023 | 小編推薦3款驚艷全場的妝容

【2023聖誕妝教學】聖誕將至，相信大家都有唔少Christmas Party要參加，到咗呢啲時侯都會花心思打扮下！其實聖誕Party唔洗諗得太難太複雜，加啲BlingBling同日常少用嘅色，睇落已經同平時好唔同，仲未有idea? 唔緊要，小編準備咗幾款簡單易上手嘅Christmas Party妝比大家！

2023聖誕妝1. 乾燥色系眼妝

秋冬又係乾燥色系嘅天下。如果你平時淨係畫眼線、搽mascara，或者最多都係化啡色眼影嘅人，可以喺年尾Party，試下用下珊瑚橙、乾燥玫瑰、莓紅色、楓葉色嘅眼影嚟化個眼妝！呢啲顏色畫喺亞洲人嘅眼睛上，同膚色好和諧一齊，揀啲霧面質地嘅款色，由淺至深一層層上，就唔易失手。一齊喺特別節日令人耳目一新！♡

2023聖誕妝2. Bling Bling眼妝

講到聖誕節，bling bling眼妝絕對係首選，都係最簡單嘅一款。簡單啲講，只需要喺平時化嘅眼影上面疊塗有閃片嘅眼影就搞掂。最重要嘅係揀啱閃片大小同顏色！小編建議閃片要揀細粒啲，望落會有氣質啲。顏色方面，可以揀偏暖色系，例如金色、啡色或者棗紅色之類，喺我哋亞洲人帶黃調嘅膚色上都唔會太突兀。用手指指腹沾少少閃片，點塗喺上眼皮中間最凸出嘅位置，再喺眼頭點綴下，已經夠晒靚！♡♡